About us – Abdurahimli Group

Beynəlxalq hüquq mühitində fəaliyyət göstərmək, hüquqi ingilis dili biliklərini beynəlxalq standartlara uyğun səviyyədə formalaşdırmaq və peşəkar karyera imkanlarını genişləndirmək istəyən hüquq mütəxəssisləri üçün Abdurahimli Group etibarlı və rəsmi təlim platformasıdır.

Abdurahimli Group Azərbaycanda TOLES (Test of Legal English Skills) imtahanı üzrə rəsmi hazırlıq və təşkilati fəaliyyət göstərən təlim mərkəzi olaraq hüquqşünaslar, korporativ hüquq mütəxəssisləri və hüquq fakültəsi tələbələri üçün Hüquqi İngilis dili üzrə sistemli və praktik təlim proqramları təqdim edir.

Təlim proqramları Abdurahimli Group-un təsisçisi və direktoru Yusif Abdurahimli tərəfindən həyata keçirilir.

Yusif Abdurahimli hüquq sahəsində 10 ildən artıq peşəkar təcrübəyə malik olmaqla yanaşı, Hüquqi İngilis dili və TOLES hazırlığı üzrə ixtisaslaşmış beynəlxalq təlimçi statusuna sahibdir. O, Cambridge Law Studio tərəfindən verilmiş beynəlxalq akkreditasiyalı lisenziya əsasında fəaliyyət göstərir və bu sahədə uzunmüddətli pedaqoji və praktik təcrübə qazanmışdır.

Təlimçi kimi fəaliyyəti dövründə Yusif Abdurahimli yüzlərlə hüquqşünasın və hüquq sahəsində çalışan mütəxəssisin TOLES imtahanına hazırlanmasına, hüquqi ingilis dili üzrə biliklərinin beynəlxalq tələblərə uyğunlaşdırılmasına və peşəkar inkişafına töhfə vermişdir.

Təlimlər birbaşa təlimçinin şəxsi iştirakı ilə, beynəlxalq hüquqi praktikaya uyğun metodologiya əsasında keçirilir və iştirakçıların hüquqi terminologiya, hüquqi yazı bacarıqları, müqavilə dili və analitik hüquqi düşüncə vərdişlərinin formalaşdırılmasına yönəldilir.

TOLES (Test of Legal English Skills) hüquq mütəxəssisləri üçün nəzərdə tutulmuş, hüquqi ingilis dili biliklərini beynəlxalq standartlara uyğun şəkildə qiymətləndirən ixtisaslaşmış imtahandır.

TOLES sertifikatı aşağıdakı üstünlükləri təmin edir:

Hüquq sahəsində ingilis dili biliklərinin beynəlxalq səviyyədə təsdiqi
Müqavilə hüququ, korporativ hüquq, əmək və maliyyə hüququ üzrə terminoloji biliklərin sistemləşdirilməsi
Hüquqi sənədlərin hazırlanması və rəsmi yazışmalar sahəsində peşəkar bacarıqların inkişafı
Beynəlxalq hüquq şirkətləri və korporativ strukturlarda fəaliyyət üçün rəqabət üstünlüyü

TOLES sertifikatı müddətsiz (ömürlük) keçərliliyə malikdir.

Azərbaycanda TOLES üzrə rəsmi və ixtisaslaşmış hazırlıq mərkəzi
Beynəlxalq akkreditasiyalı və ixtisaslaşmış təlimçi
Praktiki yönümlü dərslər:
– müqavilə və hüquqi sənədlərin təhlili
– hüquqi yazışmalar və rəsmi üslub
– real case-study yanaşması
Kiçik qruplar və fərdi yanaşma
Qısa müddətdə hüquqi ingilis dili üzrə strukturlaşdırılmış inkişaf
Beynəlxalq standartlara uyğun təlim metodologiyası

Təlim proqramı aşağıdakı kateqoriyalar üçün uyğundur:

Hüquqşünaslar və hüquq məsləhətçiləri
Korporativ hüquq sahəsində çalışan mütəxəssislər
Hüquq fakültəsinin bakalavr və magistr pilləsi tələbələri
Beynəlxalq hüquq mühitində fəaliyyət göstərməyi planlaşdıran şəxslər

Haqqımızda

E-poçt

Telefon

Əlaqə

Ünvan

Created BY

Create BY